Group: Lingva helpejo


Ovoj


Tjeri
By Tjeri
June  9, 2011 - 11 komentoj - 754 vizitoj

Birdoj demetas ovojn.
Birdetoj eloviĝas.
Sed kiel diri pri la ovo, kiam ĝi fiaskas kaj birdeto ne eloviĝas?
La ovo ne....
11 komentoj - La lastaj
Harri Laine
Harri Laine
La ovo ne fekundis, estis sterila, ne naskis (idon), ne (sukcese) koviĝis, malprosperis, fiaskis, malsukcesis, ne fruktis, restis senfrukta, .
5 years ago.
Tjeri has replied to Harri Laine
Harri, vi certe konas la kialon de mia demando: "Sääksikamera, Janakkala" en "natureit", du idoj eloviĝis, sed la tria ovo... fiaskis.
Sed fiaski povas montri ke ĝi ne estis demetita, ĉu ne? tial mi serĉis apartan verbon difinantan ke ovo malfermiĝas por vivigi estaĵon. Ŝajnas, ke tia verbo ne ekzistas en Esperanto.
Ĉu la birdino naskas, aŭ siaj ovoj?
5 years ago. Edited 5 years ago.
Harri Laine has replied to Tjeri
Ĉu io malhelpas uzi la verbon "naski", kies signifo estas sufiĉe elasta? Birdo naskas ovojn, ovoj naskas birdidojn. Alia, eble eĉ pli taŭga vorto estus "akuŝi" (laŭ PIV "elpuŝi maturan feton"): "el la tri ovoj du donis belajn fiŝaglidojn, sed la tria ovo ne akuŝis". Ankaŭ "frukti" estus konvena.

Kvankam "akuŝi" unuavide ŝajnas iom fremda ĉi tie, ĝi eble estus la plej facile komprenebla kaj ne miskomprenebla.
5 years ago.
Tjeri has replied to Harri Laine
Nu, ne plu inde diskuti: la tria birdeto fine eloviĝis...
5 years ago.
Harri Laine has replied to Tjeri
Jes, mi rimarkis. Nun, kiam ankaŭ la lasta ovo akuŝis, la gepatroj havas tri bravajn idojn kaj devos des pli labori en fiŝado.
5 years ago.
Harri Laine has replied to Tjeri
Pardonu, ĉi tio ne plu rilatas al lingva afero, sed mi respondas al Tjeri: Estas sciigo (nur en la finna) ĉi tie: http://saaksisaatio.fi/arkisto2/Tiedote%20Kesijarvi.pdf
Oni ne scias precizan kaŭzon, sed ŝajnas ke ial la idoj estis tro junaj por elteni kelktagan malsaton (patro forestis kaj ne alportis fiŝojn) kaj postan mankon de patrina varmigado (tiu devis forflugi por fiŝkapti). Okazis tragedio, pri la kialoj eblas ĝis nun nur spekulativi.
5 years ago.
Tjeri has replied to Harri Laine
Dankon
5 years ago.
rughulo
rughulo
ovo estis formanĝita - bonan apetiton
5 years ago.
KaGu:-}
KaGu:-}
Svedlingve oni parolas pri "äggkläckning" = elkov(ad)o (laŭ Ebbe Wilborg). Se ne estiĝas ido el ovo, oni eble povus diri ke la ovo estas "ne-elkovita" ;-) Do, laŭ mi birdoj ne naskiĝas, sed elkovas aŭ eble "elovas" ;-)
5 years ago.
Michael Lennartz
Michael Lennartz
La eloviĝo fiaskis.
5 years ago.
rughulo
rughulo
ovgenero fiaskis .

Sed ideo povas eloviĝi sen genera organo
5 years ago.