Group: Lingva helpejo


Ĉu vidakumulado?


Frank Merla (esocom.de)
By Frank Merla (esocom.de)
June  2, 2011 - 16 komentoj - 1 690 vizitoj

Accéléré - Time-lapse - Zeitraffer
http://en.wikipedia.org/wiki/Time-lapse
Ankoraŭ ne ekzistas vikipedia artikolo.
16 komentoj - La lastaj
Paŭl
Paŭl
La terminareto pri kino de Jerôme Vachey nomas tiun procedon simple "rapidigo":

rapidigo: bildefekto kiu montras rapidigitajn movojn surekrane. en: time-lapse fr: accéléré it: accelerazione, cn: 快镜头
5 years ago.
rughulo
rughulo
mallantmova filmo .

La filmo certe ne montras rapidigitajn movojn - tio estus alia efekto!
5 years ago.
Riŝo
Riŝo
Ruĝulo, vi konfuzas "Zeitlupe" kun "Zeitraffer". Zeitraffer estas laŭ Krause "tempoakcela filmado".
5 years ago.
Michael Lennartz
Michael Lennartz
(tempa) plipasigo
5 years ago.
rughulo
rughulo
kara k-do Riŝo ,
nenion mi konfuzis - "lantmova filmo " estas registrita faktermino en PIV-

La tempon tute ne eblas akceli - ĝi esence dependas de la lumrapideco .
Ankaŭ ne eblas plipasigi la tempon
5 years ago.
Riŝo
Riŝo
Persone mi preferas "rapidmova" anstataŭ "mallantmova" filmo, kiel vi skribis.
5 years ago.
Michael Lennartz
Michael Lennartz
"rapidmova" plaĉas al mi.
5 years ago.
rughulo
rughulo
la filmo tute ne movas sin rapide - sed malrapide .

Homa okulo nur povas distingi po 18 sensojn samtempe.

Tial tute ne eblas rigardi rapidmovan fimon.

Mallantmova filmo evitas tian problemon
5 years ago.
Riŝo
Riŝo
Per filmprojekciilo oni tre bone povas akceli (plirapidigi) la kadencon de la movoj, oni povas malakceli ilin, haltigi unuopan bildon aŭ eĉ retrobobeni la agadon.

Mallantmova estas stumbliga esprimo. Lantmova devenas de malrapidmova. Iuj elektas lantmova ĉar ili volas 1e eviti la sufikson mal- kaj 2e koncizigi trielementan vorton al duelementa. Rapidmova estas laŭ mi preferinda kaj tuj komprenebla.
5 years ago.
rughulo
rughulo
lanta ne estas nur sinonimo de malrapida ( PIV)

same " olda" ne estas sinonimo de maljuna .

Rapidmova filmo laŭ mia opinio estas tute ne klara esprimo kaj tute ne tuj komprenebla .
Tutcerte ekzistas multaj aliaj truke artefaritaj efektoj .

Ilin difinu la fakuloj pri kinematografio (Z)
5 years ago.
Riŝo
Riŝo
lanta = malrapida (PIV 2005, p. 657)
olda = maljuna (PIV 2005, p. 807)

Por "Zeitraffer" mi trovis ankaŭ "akceladefekto", esprimo laŭ mi taŭga por filmo.
Por "Zeitlupe" do "lantigefekto" aŭ "efekto de malakcelado".
5 years ago. Edited 5 years ago.
Michael Lennartz
Michael Lennartz
Vi pravas, mi dirus: "efiko".
5 years ago.
rughulo
rughulo
Eblas ja paroli lingvon tute arbitran, laŭ sia plaĉo, laŭ sia prefero,bontrovo .

Sed en scienco aŭ eĉ en ĉiutaga vivo, tio ne eblas.

Tutcerte la " akceladefekto de filmo" estas ne facile komprenebla .

Ankaŭ "lantigefekto" ne taŭgas .

Mi proponas : truktempa filmo
5 years ago.
Riŝo
Riŝo
Nu, vidu, ĉio estas relativa: io povas esti malfacile komprenebla por vi dum por aliulo ne estas komprenproblemo; same por taŭgeco aŭ netaŭgeco. Ekzistas pluraj eblecoj por esprimi la saman fenomenon kaj ĉiu povas elekti tion kio plej bone al li konvenas.

"tempakcela filmado" tute eblas, ĉar ankaŭ la tempo estas relativa nocio. Sekvu la malfermiĝon de nimfeo tie (la kadenco de la unuopaj bildoj estas akcelata):
http://de.wikipedia.org/wiki/Zeitraffer
aŭ tie (aŭtomata traduko per Wikitrans de la angla artikolo al kripligita sed komprenebla esperanto):
http://tinyurl.com/3njhmtd

La aŭtomata traduko de "time-lapse" al "tempo-erareto" ŝajnas al mi tro laŭvorta kaj nekonvena por "tempoakcela filmado". La koncerna artikolo kompreneble necesigus prilaboron fare de fakulo.
5 years ago. Edited 5 years ago.
rughulo
rughulo
Do ni konkludu : pli konvenas la nocio " tempakcela filmado" ol vidakumulado .

Mi tamen rediros la rekomendon de Z. : pri fakaj terminoj decidu profesiuloj
5 years ago.
Tjeri has replied to rughulo
Ne temas pri faka termino: ĉiuj povas vidi tiajn filmpecojn ĉiutage per komputilo aŭ televidilo.
5 years ago.