Group: Lingva helpejo


"Viés" = OBLIKVECO?


Raŝi - Audino
By Raŝi - Audino
January 23, 2011 - 13 komentoj - 1 255 vizitoj

La supra intercitila vorto estas uzata en la jenaj kazoj:
I. En statistiko por reliefigi la TENDENCECON aŭ la RIPETA ERARO en iu eksperimento;
II. Por atribui al iu komentario aŭ analizo kiu enhavas tendencon, tio estas, kiu ne respektas la principon de la senpartieco.
Mi legis ke, supoze, tiu vorto etimologie korespondas al la franca BIAIS,
de la latina BIFAX aŭ BIFACEM (du edrojn?),
de la greka EPIKARSIOS (oblikva),
de la latina BIAXIUS (du aksoj)
En iu brazila vortaro mi vidis la supran egalecon kaj mi demandas:
ĈU LA VORTO "OBLIKVECO" PLENE UZEBLAS EN ESPERANTO POR LA KAZO II?
Nekaze, KIAJN EBLOJN NI HAVAS?
13 komentoj - La lastaj
Raŝi - Audino
Raŝi - Audino
Nature, se iu konas ian esperantan vorton kiu korespondas al la signifon I, bonvolu mencii.
5 years ago.
KaGu:-} has replied to Raŝi - Audino
Bedaŭrinde mi posedas leksikonon por la portugala –al la sveda, kiu donas tradukon de la vorto kaj tial mi nur divene povas kompreni la vorton "viés" tamen, mi trovis kvar vortojn, kiuj eble priskribas la vorton "vi'es"
DEFLANKIĜO de la temo. Tio estas se iu faras komentojn aŭ asertojn, kiuj ne rilatas al pritraktata temo.
DIFERENCO inter sumoj, rezultoj ktp.
ESCEPTO de regulo.
La vorto "DEVIO" ŝajnas al mi la plej fekunda. Ĝi estas uzebla por la misa indiko de kompaso, la diferenco inter ia valoro kaj mezvaloro, kaj tiel plu.
Io, kio estas OBLIKVA ja, devias for de la vertikala aŭ orta direkto. Do oblikveco indikas je kiu grado, io devias de orteco. Vojo povas esti ege kruta, tio estas ege oblikva.
5 years ago.
Raŝi - Audino has replied to KaGu:-}
Tiu DEVIO estas interesa vorto!
5 years ago.
Tjeri
Tjeri
Via priskribo tute konformiĝas al la franca "biais". Oblikvo ŝajnas al mi tute taŭga.
5 years ago.
KaGu:-} has replied to Tjeri
biaso = nemotivita prefero. Do pli malpli antaŭjuĝo, se temas pri opinioj. En elektra cirkvito konstanta kurento aŭ tensio, kiun oni utiligas por akiri specifan efikon je ŝalto kaj malŝalto de ekz. kurentofluo tra transistoro.
5 years ago.
Raŝi - Audino has replied to KaGu:-}
Ŝajnas al mi ke BIASO ne ĉiam okazas en la sfero de antaŭjuĝo ĉar povas esti nur senvola, senrimarkebla, senperceptebla motivo kiu subtenas ies opinion. Ekzemple:
Se iu demandas al mi kiu estis la plej bona futbal-teamo de la tuta mondo en la pasinta jarcento, malgraŭ la ŝajna logiko kiu povas subteni mian respondon, ĝi povas kaŝi ian subtilan motivon kiu, tiakaze, ne havas antaŭjuĝon sed nur la "oblikveco"n de mia koro.
PS Mia respondo estus SANTOS. :-)
5 years ago.
KaGu:-} has replied to Raŝi - Audino
Ne tio ne poovas esti "biaso" ĉar vi ja havas bonan motivon por via prefero, ĉu ne :-)
5 years ago.
Tjeri has replied to KaGu:-}
Dankon, KaGu, mi lernis la vorton biaso de vi.
5 years ago.
Raŝi - Audino has replied to Tjeri
Ankaŭ mi dankas al KaGu ĉar mi ne sciis pri tiu vorto. :-)
5 years ago.
Raŝi - Audino has replied to KaGu:-}
:-)
5 years ago.
rughulo
rughulo
Tute ne taŭgas “oblikveco", des malpli " Viés"
Eble pli taŭgas " Blinkenbergi", aŭ simple : eraro, fuŝo, ne respektante la sciencajn preskribojn, kontraŭ la reguloj por eksperimento . "partieca" " subjektiva " k.a.

Alikaze, ni havas multajn alian esprimmanierojn.
5 years ago.
Raŝi - Audino
Raŝi - Audino
Do, se ni fake konsideros ke la intercitilan vorton povas esti reprezentata per la vorto BIASO, mi lasos tie ĉi kekajn ekzemplojn uzataj ĉemialande:
Politika biaso, teoria biaso, gramatika biaso, elita biaso, semantika biaso, ktp.
5 years ago. Edited 5 years ago.
rughulo
rughulo
En esperanto jam ekzistas jam pli popularaj esprimoj :
Politikemo , teoria inklino , ŝato de gramatiko.
kvankam " biaso" estas trovebla en PIV - mi neniam uzis ĝin
5 years ago.