Group: Lingva helpejo


LOGATOMO


Raŝi - Audino
By Raŝi - Audino
September  7, 2010 - 17 komentoj - 2 183 vizitoj

En iu libro pri disleksio mi legis ke unu el la karakteroj de la disleksiuloj estas "malfacileco en la ekkono kaj legado" de la tie nomata LOGATOMAS (logatomoj?). En la libro esta klarigata ke tiu esprimo estas "sensignifaj vortoj".
En PIV, mi serĉis ĉu tiu esprimo ekzistus en nia lingvo kaj mi trovis la klarigon pri LOGATOMO: Ĉiu el la sensignifaj unusilaboj, karakterizaj por iu lingvo, uzata por kontroli la komprenon.
Se mi bone komprenis, en Esperanto tiu esprimo rilatas al sensignifaj unusilabaj vortoj.
Ĉu mi rajtas uzi tiun esprimon por SENSIGNIFAJ VORTOJ? Ekzemple: PARELO

The topic of this discussion has been edited by Raŝi - Audino 6 years ago.

17 komentoj - La lastaj
Tjeri
Tjeri
Fakte mi neniam aŭdis tiun vorton! Mi trovis en diversaj vortaroj: Logatome en la franca kaj la angla, Logatoom en la nederlanda, Logatom en la pola, Logatomo en la hispana kaj la itala,..do ŝajnas al mi, ke la uzo de logatomo en esparanto tute taŭgas, laŭ la minesciaskia regulo de la fundamento.
6 years ago. Edited 6 years ago.
Raŝi - Audino has replied to Tjeri
:-)) Dankegon!
6 years ago.
Raŝi - Audino
Raŝi - Audino
Ahh Tyeri! Mi forgesis diri ke mi ankaŭ neniam estis leginta pri tiu vorto ĝis la lasta finsemajno!
6 years ago.
GiTa
GiTa
La vorto "logatomo" kaj la difino en NPIV estas uzata de personoj, kiuj profesie laboras en ekzemple fakoj pri fonetiko, problemoj de aŭdado, lingvaj malfacilaĵoj. Kutime logatomo estas konsonanto plus vokalo plus konsonanto. Do ekzemple "bik", "das" estas logotomoj en esperanto.
Devas esti nur unu silabo.
6 years ago.
Raŝi - Audino has replied to GiTa
Dankon GiTa! Mi intencas skribi ion pri disleksio en esperanto kaj mi devas mencii tiun karakteron de la perturbo. Ĉu vi opinias ke mi devas esprimi ĝin nur per "sensignifa vorto"?
6 years ago.
GiTa
GiTa
Mi ne estas certa, ke mi komprenas vian demandon. La vorto "logatomo" troviĝas en NPIV¨, kaj tie oni eksplikas la signifon tiel: "Ĉiu el la sensignifaj unusilaboj, karakterizaj por iu lingvo, uzataj por kontroli la komprenon." Mi opinias, ke tio estas iom mallonga ekspliko sed ofte taŭgas. Vi skribis "sensignifa vorto", sed fakte temas pri "sensignifa silabo".
Sukceson pri via artikolo pri disleksio!
Amike
GiTa
6 years ago.
Raŝi - Audino has replied to GiTa
Dankon GiTa!
6 years ago.
Tjeri
Tjeri
En francaj vortaroj (lingvaj kaj psikfakaj) troviĝas: " sensignifa silabo aŭ silabvico".
Vortoj, per difino, estas ja signifhavaj.
6 years ago.
Raŝi - Audino has replied to Tjeri
En matematiko oni kalkulas la numeroj da anagramoj el iu vorto, ekzemple: AMOR
La anagramoj de AMOR estas: AMOR, AMRO, ARMO, AROM,...,MARO,...., MORA.
Oni kalkulas ke la kvanton de anagramojn de la vorto AMOR per 4! = 4x3x2x1 = 24.
Inter tiuj anagramoj estas, ekzemple, RMAO kiu ne havas signifon. Laŭ via difino, ĉu ĝi estas vorto? Ĉu ĝi estas LOGATOMO? Kaj ĉefe.... Kiamaniere mi klarigos al la legantoj tiun flankon de la malfacileco de la disleksiuloj kiu mislegas tiujn, kiuj en diversaj lingvoj oni uzas la vorton LOGATOMO?
6 years ago.
KaGu:-}
KaGu:-}
Mi proponas "sensignifa permutaĵo".
6 years ago.
rughulo
rughulo
Logatomo ne ekzistas en esperanto- sed ĝi ekzistu por fakuloj de dislekcio.

RMAO povas esti vorto en esperanto, laŭ la regulo 15-a el la fundamento.
Sensignifaj vortoj ne ekzistas , vi bv. foje legi DADA poemon. XYCBVITTIDCGBCD
6 years ago.
Raŝi - Audino has replied to rughulo
Tiel estu!! Laŭ la 16ª regulo de Rughulo! :-)
6 years ago.
rughulo
rughulo
Sensignifajn vortojn oni nomas en esperanto " onomatopeo".
Homo per sia voĉorgano kapablas sonigi la plej strangajn bruojn.

Tial en ajna lingvo ne eblas " kompreni " logotomojn, sed unuopajn sonojn. "Bik" kaj "das" estas sensignifaj morfemoj - sed eble ne uzataj por diagnozi dislekcion de esperantistoj.

Logo = signifas vorto en la malnovgreka
tomo = signifas tranĉo
6 years ago.
Tjeri
Tjeri
Onomatopeoj ja havas signifon! Bum ne samsignifas kiel tik!
6 years ago.
rughulo
rughulo
Onomatopeoj ne havas signifon- krom imito de sono aŭ bruo.
La plej multaj onomatopeoj eĉ ne estas skribeblaj per E- alfabeto.

Kaj : Bum - Pum - tik- estas veraj vortoj ne nur onomatopeoj : vi bv. kontrollegi la PIV-on

Bum_ marista termino Pum - besto tik- 1-a nerva spasmo

2-a ŝtofo .

Zamenhof mem proponis multajn onomatopeojn
6 years ago.
Tjeri
Tjeri
"Bum!: onomatopeo uzata por esprimi la bruon de subita, neatendita falo" (PIV 2002)
Do, Bum estas onomatopeo, kaj onomatopeoj esprimas ion, t.e. havas signifon.
Tik ne estas en PIVaj vortoj, tamen troviĝas:
Onomatopeo: Sonfiguro, konsistanta en la imitado de naturaj bruoj per lingvaj sonoj.Ekzemple: zumi, kokeriko, tik tik tik, plaŭ) (PIV 2002)
Aldone, bonvolu noti, temas pri "lingvaj sonoj", ne voĉaj bruoj.
6 years ago.
rughulo
rughulo
Kara Tjeri ,
Tutcerte la homa voĉorgano ne povas versimile esprimi ian bruon.
Tial ekzistas variantoj: Bum, Pum, Plaŭ , krak, kaj multaj aliaj.
La senco nur estas bruo - kaj bruo ne estas lingvaĵo .
Abelo ne "zumas", sed "zz" as kaj virkoko ne kokerikas , sed kokblekas.
Sed ĉiakaze ĝi ne estas logotomo . Tamen lingva sono egalas al voĉa bruo . Per orelo, okulo aŭ nazo ne eblas paroli. eble per furzado .
vi bv. klarigi la logotomon de furzo aŭ rukto
6 years ago.