Group: Lingva helpejo


Traveturi; transveturi


Dorota
By Dorota
September 15, 2009 - 5 komentoj - 1 454 vizitoj

Mi scias diferencon inter tiuj du vortoj, tamen mi ne scias kiel esprimi jenan okazaĵon: mi veturas per aŭto kaj subite enkuras sub la radojn ekzemple kokino aŭ kuniklo aŭ leporo aŭ eĉ kato. Ĉio okazas rapidege kaj mi ne scipovas malrapidigi aŭ halti kaj povra besteto perdas la vivon. Kiel mi pri tio diru: mi traveturis katon? Mi transveturis katon? Ĉu ankoraŭ alimaniere?
Comments
Michael Lennartz
Michael Lennartz
Vi surveturis la katon.

"Surveturi" estas uzata de Faulhaber en la traduko "Dekkinga fuĝas" kaj trovebla en la vortaroj de Krause, do kredeble kutima traduko.

El la vidpunkto de germano mi skribus "superveturi", kio havas tian sencon.
7 years ago.
Riŝo
Riŝo
Surveturi. - PIV: "li estis renversita de automobilo" povas taŭgi laŭcirkonstance.
7 years ago.
Paŭl
Paŭl
"Kolizii" kaj "superveturi" laŭ mia sento ne estas sinonimoj. Kiam mi kolizias kun hundo, la besto estas flanken- aŭ antaŭen-ĵetita, sed ne nepre troviĝos sub mia aŭtomobilo. Kun iuj bestoj la diferenco estas pli klara: mi povas kolizii kun bovino, sed mi ne povas surveturi ĝin; erinacon mi tre verŝajne surveturos, sed mi ne kolizios kun ĝi ... sed mi preferas fari nek nek! (Tio ĉi estis respondo al persono, kiu proponis la alternativon "kolizii", sed poste viŝis sian komenton.)
7 years ago. Edited 7 years ago.
Frank Merla (esocom.de)
Frank Merla (esocom.…
Superruli
7 years ago.
Dorota
Dorota
Dankon amikoj. Surveturi probable plej bone determinas la agon. Mi volas aldoni, ke mi surveturis neniun beston; mi nur biciklas kaj tre klopodas damaĝi neniun vivan estaĵon.
7 years ago.