Group: Lingva helpejo


kalsonŝtrumpoj


Aleksandr Blinov
By Aleksandr Blinov
April  2, 2009 - 11 komentoj - 2 008 vizitoj

Saluton,

Mi estas nova en la listo kaj ŝatus demandi la opiniojn de la aliaj - ĉu vi uzas la vorton kalsonŝtrumpoj (france collants) por indiki la objekton surmetatan kaj kiu efektive enkomprenas kalsonon kaj ŝtrupon aŭ en vi havas alian varianton por nomi tiun objekton?
11 komentoj - La lastaj
Michael Lennartz
Michael Lennartz
ŝtrumpopantalono (laŭ vortaro de Krause).
7 years ago. Edited 7 years ago.
Riŝo
Riŝo
ĝistaliaj ŝtrumpoj
7 years ago.
Vladimír Türk*
Vladimír Türk*
ŜTRUMPOPANTALONO tre plaĉas al mi.
7 years ago.
Bernardo
Bernardo
Tiel oni diskutis la nocion antaŭ pli ol 15 jaroj en Perkomputora Termino-Kolekto (Pekoteko). *a, *b ktp. estas piednotoj, kiuj referencas al la fontoj. DB3 estas la 3-a eld. de Duden-Bildvortaro, ei, vse ktp. estas la nomosigloj de la tiama kunlaborintoj, ei ekz. = Rüdiger Eichholz. Esp93/p72 referencas al artikolo en Revuo Esperanto (UEA) 1993, p. 72, kie la demando pri ŝtrumpo-paro estas detale traktita

{U1} 646
{T1} TNI
{eo1} ĝis'tali/a ŝtrump/o-par/o *a
{eo2} ĝis'tali/aj ŝtrump/oj *b
{eo3} pantalon-ŝtrump/oj *c
{eo4} ŝtrump/o-pantalon/o *a
{eo5} kolant**/oj *f EVIT *a
{eo6} kolgot**/oj *f EVIT *a
{eo7} taliŝtrump**/o *g
{es1} leotardos ∞ los *d
{de1} Strumpfhose f *ĉ
{en1} pantie-hose *ĉ
{fr1} collant m *d
{nl1} panty *e
Longa pantalono kun ŝtrumpoj el ŝtrump-materialo. EB3/32=12 *a

Fon: *a ei; *b PIV 1970; *c ei: mi ie renkontis tiun terminon, sed ne memoras la fonton; *ĉ DB3-DeEn; *d DB3-EsFr; *e DB3-DeNl; *f Esp93/p72; *g vse;
93/135
Rim: ei (93-05-05): {eo1} ŝajnas al mi la plej trafa termino, ĉar ĝi evitas la misgvidan Anglisman pluralan finaĵon, temas pri nur unu pantalono, al kiu estas fiksitaj du ŝtrumpoj. La evitindecon de {eo5} aŭ {eo6} montras la artikolo *f.
vse (93-05-24): {eo1-eo4} ŝajnas al mi tro longaj por ĉiutaga uzo precipe en familio. Kvankam {eo1} celas esti priskriba ĝi laŭ mi ne estas korekta, ĉar ne temas pri apartigebla paro. Ankaŭ terminoj {eo2+3} ne estas korektaj pro uzo de pluralo. Temas nur pri unu sola objekto. {eo5+6} estas mallongaj, sed rekoneblaj nur de relative malmultaj homoj. Tial mi proponis terminon {eo7} «93-05-24»

El tio Krause transprenis {eo4} en la Grandan Vortaron Germanan-Esperantan (2007), kiel ĝuste indikis Michael. Riŝo citas la (kaŝitan) terminon de PIV 1970 (kaj 2002), sen mencii la fonton. Pro la donitaj kialoj (precipe la pluralo) ĝi laŭ mi tamen ne estas bona. Ŝtrumpo-pantalono tute taŭgas. Kial ĉiam denove remaĉi la samajn diskutojn? Legu ankaŭ tie ĉi.
7 years ago. Edited 7 years ago.
Aleksandr Blinov
Aleksandr Blinov
Dankon pro la kompleta kaj interesa respondo
7 years ago.
Apelete Agbolo
Apelete Agbolo
nepre pantalono ŝtrumpo - char nepre ne temas pri pantalono
Subpantolono estus pli ĝusta - ĉar kutime ne videbla ĝi estas.
En iu vortaro mi legis striktajĥo - ĉar la kalsono- ŝtrumpo strikte kovras la gambojn:
7 years ago.
Dorota
Dorota
Ŝtrumpoj estas diversaj - kurtaj ĝis maleolo, pli longaj ĝis genuo, virinaj ŝtrumoj longaj, kovrantaj parton de femuro kaj tiuj pantalonŝtrumpoj, ĝistaliaj ŝtrumpoj (mi preferas tiun nomon). Estas multaj specoj de ŝtrumpoj kaj esperante ili ne estas apartigitaj laŭ nomo. En mia gepatra lingvo (pola) por ĉiu speco estas aparta nomo. Mi supozas, ke tiel estas ankaŭ en aliaj lingvoj.
7 years ago.
Lars Sözüer
Lars Sözüer
Ni diradas 'ŝtrumppantalono'.
7 years ago.
Michael Lennartz
Michael Lennartz
Bone, ni faru liston, kiaj ŝtrumpoj ekzistas:

- duonŝtrumpoj, ŝtrumpetoj, ĝismaleolaj ŝtrumpoj (germane Socke)

- ĝisgenuaj ŝtrumpoj (germane Kniestrümpfe)

- longaj ŝtrumpoj (germane lange Strümpfe, hodiaŭ nur por virinoj, post la dua mondmilito ankaŭ por infanoj)

- ĝistaliaj ŝtrumpoj, ŝtrumpopantalono (germane Strumpfhose)
7 years ago.
Apelete Agbolo
Apelete Agbolo
Ŝtrumpoj ne estas germanaj -

sed el diversaj materialoj: lano; kotono; silko, nilono aŭ - trikitaj, broditaj , puntitaj :
En e-to regas la leĝo de neceso kaj suficho - ekzempe ankaŭ ekzistas piedfingraj ŝtrumpoj -- eĉ aparta ŝtrumpeto por kaco
7 years ago.
V I Z I   László*
V I Z I László*
Estas eraro, se iu pensas, ke kalsono aspektas kiel kuloto. Kalsono originale havis same du gambingojn, kiel pantalono. Kalsono estas subvesto, pantalono estas ekstera vesto.

La vesto de la serĉata esprimo same estas subvesto, do la plej logika, kaj esprimpova vorto estas: kalsonstrumpoj. (ankaŭ en PIV)

Ŝtrumpoj estas longaj ĝis super la genuoj. Nuntempe ilin uzas nur virinoj, sed antaŭ jarcentoj ankaŭ riĉaj viroj uzis ŝtrumpojn el silko.

Ŝtrumpoj, ne atingantaj la genuon, estas ŝtrumpetoj. Ŝtrumpetoj povas esti longaj (se ili plejparte kovras la krurojn), kaj mallongaj (ĝis super la maleoloj).

Fine, se ili ne vidiĝas super la ŝuo (ĉe virinoj), ili estas duonŝtrumpetoj.
7 years ago.