Group: Lingva helpejo


Iomege


Peter Bowing
By Peter Bowing
October 15, 2008 - 5 komentoj - 1 894 vizitoj

Esperanto estas iomege stranga, ĉar oni ofte uzas la lingvon nur enkape aǔ per la interreto kaj libroj. Do por kontroli, ke mi ne kreas ideolekton, mi ofte kontrolas mian vortuzadon per la interreta tekstaro.

Surpizis min, ke por la vorto IOMEGE estas nur unu trafo. Ŝajnas al mi, ke tiu vorto estu pli utilpena.

Ekzemple:

Li kredas je Dio.
Li iom kredas je Dio.
Li iomete kredas je Dio.
Li IOMEGE kredas je Dio.

The topic of this discussion has been edited by Peter Bowing 8 years ago.

Comments
Paŭl
Paŭl
La vorto estas efektive malofta. Iomete pli ofta estas la formo "tiomege", kiun ekzemple Anna Löwenstein uzis en sia furorromano La ŝtona urbo: Mi jam tiomege ploris.
8 years ago.
Paŭl has added
Mi ĵus hazarde renkontis la vorton ankaŭ tie ĉi en ipernity, nome en komento de Bertilo.
8 years ago.
Michael Lennartz
Michael Lennartz
Mi pensas, ke "iomege" egalas al "treege" kaj tial ne estas granda bezono por uzi tiun vorton. Ankaŭ "forte", "ege" ktp. esprimas similaĵon.
8 years ago.
Vladimír Türk*
Vladimír Türk*
Ĉu "iomege" estas kontraŭo de "iomete"? Se mi ploregas, do mi ploras pli ol kutime, ploretante mi ploras nur malmulte. Sed "iom" montras nek grandon, nek malgrandon, nur ĝi montras, ke ni ne scias precize la mezuron aŭ nombron. Ĉu ni rajtas krei derivaĵojn el nekonata kvanto? "Iomete" devus signifi "malpli ol nekonata kvanto", dum "iomege" devus esti "pli ol nekonata kvanto". Marĝene, mi uzis multfoje "iomete", sed nun mi ne certas.
8 years ago.
rughulo
rughulo
Chiu e-isto tuj komprenos " iomege" Nu tial , se vi bezonas tian esprimon , tiam vi senghene ekuzu ghin!
8 years ago.