Group: Lingva helpejo


arĥaisma, arkaisma, arĥaja, arĥaika, arkaika, arkaa


Pierre Levy
By Pierre Levy
September 14, 2015 - 8 komentoj - 213 vizitoj

Laŭ PIV, arĥaismo = arkaismo = arkaaĵo; do, arĥaisma = arkaisma = arĥaja = arĥaika
= arkaika = arkaa.

Tamen rughulo skribis, ke veraj sinonimoj ne ekzistas.
Kiun nuancon de senco mi devas kompreni inter tiuj "falsaj" sinonimoj?

The topic of this discussion has been edited by Pierre Levy 14 months ago.

8 komentoj - La lastaj
Tjeri
Tjeri
Nu, simple, arĥaismo kaj arkaismo ne estas sinonimoj, temas pri du malsimilaj manieroj skribi la saman vorton. :)
14 months ago. Edited 14 months ago.
Pierre Levy
Pierre Levy
Hm... skribi, jes, sed ankaŭ prononci.
Ĉu do eĥo kaj eko ankaŭ estas du malsimilaj manieroj skribi la saman vorton?
14 months ago.
rughulo
rughulo
La radiko "arka" ne ekzistas ankaŭ "arĥaja " estas malĝusta.

La formoj : ĥemio, Ĥino , ktp. estas vortoj ne plu uzataj, - tial oni nomas ilin arkaikaj.

La fonemo " ĥ " estas tre malofta en Esperanto - iuj plibonigistoj tial konstante provas elpuŝi ĝin. Eĥo kaj Eko ne estas sinonimoj.
14 months ago.
Cyril Brosch
Cyril Brosch
arkaika estas formo Fundamenta (oficialigita en la 3a aldono al la UV), pro tio ĉiuj aliaj formoj estas formoj novaj laŭ alineo 8 de la Antaŭparolo al la Fundamenta kaj evitendaj.
La vorto arkaismo estas sendenpenda, oficialigita en la 8a OA.
14 months ago. Edited 14 months ago.
Pierre Levy
Pierre Levy
La vorto "arĥaismo" figuras en la alineo 8 de la Antaŭparolo al la Fundamento.
Ĝi estas Fundamenta.
La adjektivoj "arĥaism'a" kaj "arkaism'a" estas regule formitaj respektive el
"arĥaism'o" kaj "arkaism'o". Se ili ne estas sinonimoj de "arkaika", kio estas
ilia senco?
PIV difinas la adjektivon "arkaa" kiel sinonimon de "arkaika"; ĝi ne indikas
ĝin "evitinda".
PIV indikas, ke al "arĥaja" preferinda estas "arkaika", sed ne ke "arĥaja
estas evitinda.
14 months ago. Edited 14 months ago.
Cyril Brosch
Cyril Brosch
Mi ĵus vidis, ke la 3a OA oficialigis ankaŭ arĥaik', do ankaŭ tiu estas en ordo. Fakte tio ja superfluigus la oficialigon de arkaik', ĉar laŭ Akademia licenco (mi ne memoras de kiam, do eble poste) oni ĉiam rajtas anstataŭigi per rk.
Tamen mi iom dubas pri arĥaismo, ĉar la Antaŭparolo ja enhave, sed ne lingve apartenas al la Fundamento. Tio tamen havus la paradoksan sekvon, ke ĝi pro la oficialigo de arkaism' estus kontraŭfundamenta...
Ke PIV ne markas ion kiel evitinda, ne havas validon por la vera normdokumento de E-o, la Fundamento.

Rilate la signifon miasente estas diferenco, nome arkaismo estas lingva arkaikaĵo.
14 months ago. Edited 14 months ago.
Pierre Levy has replied to Cyril Brosch
Cyril, viaj konkludoj estas interesaj, sed vi jam sufiĉe respondis. Mia demando
estis specife turnita al rughulo, ĉar li asertis, ke veraj sinonimoj ne ekzistas.
Mi ne demandis pri la pravigo de tiuj sinonimoj, sed pri iliaj sencaj diferencoj.
Sed rughulo ne respondas.
14 months ago.
rughulo
rughulo
Bedaŭrinde ruĝulo foje necesejas. En nPIV (2002) ne ekzistas la radiko "arka", nur "ark " kaj "arkad".
En lingvo esperanto ekzistas kelkaj nelogikaĵoj- tion ankaŭ konfesis Z .

Pri la faktermino " sinonimo" mi refencas al nPIV p1045 - homonimo - paronimo
14 months ago.