Group: Lingva helpejo


"Fikcia Nomo"


Raŝi - Audino
By Raŝi - Audino
July 19, 2014 - 10 komentoj - 206 vizitoj

Kiam en iu ĵurnalo oni rakontas iun historion, en kiu la ĵurnalisto volas protekti la veran identecon de la priparolata (aŭ parolata?!) ulo. Ekzemple, lia vera nomo estas "Paŭlo", sed en la gazeto aperas "Bruno".
#
Ĉu la supra esprimo estas taŭga por uzi en tia kazo?!
10 komentoj - La lastaj
Pierre Levy
Pierre Levy
Jes.
2 years ago.
Raŝi - Audino has replied to Pierre Levy
Dankon, Pierre! :-)
2 years ago.
rughulo
rughulo
"Pseŭdonimo" diras latinistoj - aŭ latinemuloj.

Ankaŭ eblas: malvera nomo, falsa, imagita, kaŝa, kaj multaj aliaj esprimoj.

La "parolata " ulo estu la "parolanta"
2 years ago.
Harri Laine
Harri Laine
En seriozaj tekstoj mi vidas ĉiam nur simplan informon "la nomo estas ŝanĝita", "ŝanĝita nomo", aŭ simile. Sed ja eblas ankaŭ diri "fikcia nomo", kvankam min tio iomete igas pensi "kio alia estas fikcia en ĉi tio".
2 years ago.
Raŝi - Audino has replied to Harri Laine
"ŝanĝita nomo" estas bona opcio! Dankon Harri!!
2 years ago.
Helena Tylipska
Helena Tylipska
Mi pensas simile al amiko Harri. Fakte oni kutime avertas ke la nomoj estas ŝanĝitaj por gardi la prvtecon de la personoj; diri "falsa nomo" donas impreson ke estas iu trompo.Simile pri "fikcia" venas en la kapon ke fikcia estas ankaŭ la resto
2 years ago.
Raŝi - Audino has replied to Helena Tylipska
"falsa nomo" ankaŭ ne plaĉas al mi pro la sama motivo kiun mi klarigis, sube, en la respondo al Riŝo.
Dankon, Helena!
2 years ago.
Riŝo
Riŝo
Eblas ankaŭ la jam menciita kaŝnomo (PIV), ĉar oni volas kaŝi la veran identecon de difinita persono.
2 years ago.
Raŝi - Audino has replied to Riŝo
La problemo kiun mi vidas en la vorto "kaŝnomo" estas ke, kelkfoje ĝi ekzistas laŭ la konsento kaj eĉ memkreado de la priparolata persono. Kiam la ĵurnalisto uzas, intercilile, la esprimon "Fikcia Nomo", oni povas dedukti ke la tem-persono havas neniun ligilon al tiu "ŝanĝita nomo", ĝi povus esti de "Raŝi" al "Riŝo" sen iu ajn modifo en la raporto.
2 years ago. Edited 2 years ago.
Riŝo has replied to Raŝi - Audino
Efektive "nomo ŝanĝita" mi jam ofte legis: ne estas aludo al fikcio nek al kaŝado...
2 years ago.