Group: Lingva helpejo


Forigo de subjekto


Karulo (Karles) *
By Karulo (Karles) *
March 19, 2014 - 9 komentoj - 143 vizitoj

Mi plu tradukas tekstojn pri ŝako kaj nun mi volas certiĝi pri la ĝusteco de la jena frazo: "La blankaj perdas la damon"
Mi supozas ke kiam la kunteksto komprenigas la subjekton, ĝi estas forigebla, ĉu?

Cetere kaj scivoleme, ĉu estus ankaŭ ĝuste diri:
"La blankuloj perdas la damon"?
La ŝakaj figuroj estas reprezento de iaspecaj "milituloj".
9 komentoj - La lastaj
Michael Lennartz
Michael Lennartz
En la germana oni diras simple "blanko".
2 years ago.
Pierre Levy
Pierre Levy
Oni ĉiam povas forlasi ĉion, se la kunteksto permesas. Tamen trouzi elipsan
stilon estas evitinde, se oni celas klarecon.
2 years ago.
Riŝo
Riŝo
Eblus diri: "La blankaj pecoj...", vidu:
eo.wikipedia.org/wiki/%C5%9Cako
2 years ago.
Karulo (Karles) *
Karulo (Karles) *
Mi kredas ke en multaj sportoj oni ofte uzas la adjektivon aŭ atributon en la rolo de subjekto ĉar ĝi subkompreniĝas, ekzemple en futbalo oni povas diri "i rossoneri" (la ruĝnigraj) anstataŭ la "milana futbalteamo". Kredeble ŝakistoj eĉ pli rajtas ĉar la koloroj estas pli identigaj ol en ĉiuj aliaj kazoj (2a ĉemizo de futbalisto alikoloras!)
2 years ago.
Riŝo
Riŝo
Certe tio eblas en sporta fakĵargono, kiun komprenas eĉ nefakuloj en la menciitaj kazoj.
2 years ago.
Michael Lennartz
Michael Lennartz
Eble konsideru, ke iu homo en fora kontinento post 50 jaroj legas la tekston. Germana teksto estas dediĉita al homoj, kiuj konas la germanajn kulturojn kaj kutimojn. Teksto en Esperanto estas dediĉita ankaŭ al homoj kun tute alia fono.
2 years ago.
Karulo (Karles) *
Karulo (Karles) *
Nu, mi kredas ke "blankaj", en ŝaka kunteksto, ne prezentos multe pli da problemoj ol "blankaj pecoj". Homo kiu renkontas ŝakludon unuafoje en sia vivo rapide povos konkludi ke temas pri kunfrontiĝo de du teamoj kies distingilo estas fiksa koloro. Male ol en aliaj sportoj, la tempaj, strategiaj kaj kulturaj cirkonstancoj ne modifas la distingilon, mi pensas.
2 years ago.
Helena Tylipska
Helena Tylipska
Mi tute ne scias ludi ŝakojn, sed mi ne havas minimuman dubon ke la "blankaj" oni komprenas kiel figuroj blankaj kaj la "nigraj" ĝuste nigrajn. Estas klare!
2 years ago.
Jean-pierre Cavelan
Jean-pierre Cavelan
Mi sugestas ke en la komenco de la artikolo aŭ de la libro kiu traktas pri ŝako oni povas averti : «En la sekvo, nur la substantivo "peco" povas sekvi la adjektivojn "blankaj" kaj "nigraj", tial ĉi "peco" restos subaŭdebla. »
2 years ago.