Group: Lingva helpejo


nebulhazo


Riŝo
By Riŝo
March 16, 2014 - 6 komentoj - 161 vizitoj

Temas pri toksaj brumoj en ĉinaj grandurboj:
www.ipernity.com/blog/243096/716305

La angla "haze" signifas "brumo"-n. Ĉu "hazo" estas vere necesa neologismo? Mi unuafoje renkontas ĝin.

The topic of this discussion has been edited by Riŝo 2 years ago.

6 komentoj - La lastaj
Tjeri
Tjeri
Eble, temas pri nebulhaladzo....
2 years ago.
Pierre Levy
Pierre Levy
Se temas pri nebulo ŝarĝita de venenaĵoj al mi ŝajnas pli ĝusta
'nebulo' ol nur 'brumo'. Mi proponas 'polua nebulo'.
2 years ago.
Harri Laine
Harri Laine
Ĉu brumo estas nebulo, kiu okazas en Francujo dum Brumero? – PIV estas abunda fonto de utilaj vortoj.
2 years ago.
Pierre Levy has replied to Harri Laine
Pli malpli... "brumo' (franclingve "brume") estas maldensa nebulo, kiu laŭ oficiala
difino ebligas vidon ĝis distanco supera al 1 km. 'brumero' estas la monato de la
francrevolucia kalendaro, kiu situas meze de la franca aŭtuno, inter "vendemiero".
unua monato de la francrevolucia kalendaro kaj monato de la franca vinberrikolto,
kaj 'frimero", monato de kutime sentebla malaltiĝo de temperaturo. "Frimas"
(francliteratura vorto) signifas "densa glaciprodukta nebulo".

Brumo aŭ pli malpli densa nebulo povas estiĝi en Francio kaj alilande, kiam ajn
en la jaro okaze de notinda ŝanĝo de temperaturo rezultanta de renkontiĝo
inter amaso de malvarma seka aero kaj amaso de varma malseka aero.
Same ankaŭ tio okazas, kiam ekzistas diferenco de temperaturo inter
grundo kaj aero.

La kapablo de aero miksiĝi kun vaporo kreskas kun la temperaturo. Tial
miksiĝp de du malsamtemperaturaj aeramasoj kaŭzas akveriĝon de la
vaporo troiĝinta pro la malvarmiĝo de la malseka varma aeramaso.
2 years ago. Edited 2 years ago.
Riŝo
Riŝo
PIV indikas "fumnebulo": miksaxjo de fumoj, fumo kaj diversspecaj poluaĵoj, formiĝanta dum iaj klimataj kondiĉoj en la atmosfero de grandaj, precipe industriaj urboj. Aliaj vortaroj, ekzemple Krause, enhavas "smogo" kaj Vikipedio apud "fumnebulo" ankaŭ "Londona smogo".
2 years ago.
Pierre Levy
Pierre Levy
Plej ĝenerale ĝustas 'fumnebulo', kiu respondas al efektiva miksaĵo de aero, akveroj,
diversaj veneneroj kaj solidaj polveroj kaj partikloj. Estas iom paradokse nomi
'Londona smogo' samspecan fumnebulon estiĝintan en, ekzemple, Parizo.
2 years ago.