Group: Lingva helpejo


sur plata ludejo


Riŝo
By Riŝo
July 24, 2013 - 6 komentoj - 188 vizitoj

Legante la libron "Kio destas demokratio?" de Beetham kaj Boyle en Esperanto, mi
demandas min, kion signifas la esprimo "sur plata ludejo"? Estas traduko el la angla, do eble temas pri metaforo en tiu lingvo. Ĉiukaze la dua parto de la alineo restas por mi nebula pro ĉi tiu esprimo.

"Politikaj partioj tiel formas pivotan mekanismon, per kiu publikaj zorgoj venas
al la atento de regantoj. La partioj tamen plenumas tiun rolon laŭgrade kiel la
elekta konkurado inter ili okazas "sur plata ludejo" kaj laŭgrade kiel certaj
partioj ne havas aliron al registaraj rimedoj aŭ komunikiloj kun la elektantaro,
kiuj estas malpermesitaj al aliaj. Tio super chio postulas, ke regantaj partioj
tenu siajn registaran kaj partian agadojn klare apartaj, kiel ankaŭ la
organizaĵojn, kiuj rilatas al unu agado aŭ la alia." (p.22)
6 komentoj - La lastaj
Michael Lennartz
Michael Lennartz
Kredeble temas pri tiu libro: www.amazon.com/Introducing-Democracy-80-Questions-Answers/dp/0745615201 (Copyright Unesco 1995)

books.google.de/books/about/Introducing_Democracy.html?id=WlkPlbAb4k0C&redir_esc=y (2a eldono)

Spielwiese

Ĉu vi povas nomi la ĉapitron?
3 years ago.
Riŝo
Riŝo
Bonege, Michael, ke vi trovis la originalon rete konsulteblan! Temas pri la 5a cxapitro, pagxo 21: "on a level playing field". Probable tio signifas "laux justaj ludreguloj", dum "sur plata ludejo" sxajnas al mi nekomprenebla por Esperanto-parolanto
3 years ago.
rughulo
rughulo
La tuta alineo ŝajnas al mi enigma, kaj apenaŭ komprenebla. Necesas E-igi ĝin
3 years ago.
Ed Robertson
Ed Robertson
Jes, la esprimo tre vershajne originas de la angla, kaj de futbal- au rugbe-istoj. Se unu fino de la ludkampo estas pli alta ol la alia, tio estas grava helpo al la teamo kies golejo estas pli alta, char tiu teamo devas kuri suben por sukcesi fari golon (au kaze de rugbeo surterigi la pilkon post la gollinio), dum la kontraua teamo devas kuri supren. Se oni konas la ludojn, kaj jam ludis ilin sur malebena tereno, la signifo de la metaforo estas tuj rekonebla.
3 years ago.
Riŝo
Riŝo
Dankon, Ed, pro via klarigo, kiu estas surprizo por mi kiel sporta beoto. Ĉu britoj kaj usonanoj ofte ludas futbalon aŭ rugbeon sur deklivaj terenoj?
3 years ago.
rughulo
rughulo
Estu beata la beoto- ni ĉiuj beu sur plata ludejo !
3 years ago.