Group: Lingva helpejo


detalo pri la nomo de tiu-ĉi grupo


Pascal Blondiau
By Pascal Blondiau
April 19, 2013 - 12 komentoj - 198 vizitoj

Amikoj,

Malgraŭ ke mi malŝategas la senfinajn diskutojn pri "korektaj uzoj" en nia lingvo, mi ŝatus atentigi la grupanojn ke, eble, diri "Kiel oni dirus tion esperante" estus pli bona esprimo ol "kiel oni dirus ĝin esperante".

Ĉu mia persona gusto, aŭ ĉu iu alia sentas tion tiel, kiel mi ?

Pascal
12 komentoj - La lastaj
Paŭl
Paŭl
Ankaŭ laŭ mia gusto. Sed mi eble estas influata de la naciaj lingvoj, kiujn mi konas?
3 years ago.
Pierre Levy
Pierre Levy
En la nomo de tiu grupo, "ĝin" aŭ "tion" estus egale ĝustaj.
Esperanto estas pli fleksebla ol multaj aliaj vivantaj lingvoj,
kaj tio vanigas multajn senfinajn diskutojn pri korektaj uzoj
en nia lingvo.
3 years ago.
rughulo
rughulo
Plej bona kaj klara estus diri , kiel voĉi ion en nia lingvo?

Ĉar en la diskutoj precipe temas nur pri korekta uzo per vortaroj
3 years ago.
Pierre Levy
Pierre Levy
Oni povas voĉe, sed ankaŭ skribe diri; tamen (arkaisme)
oni voĉas per balotilo.
3 years ago.
Pascal Blondiau
Pascal Blondiau
Laŭ mi, "ĝi" estas persono, besto aŭ tuŝebla objekto... Ne esprimo aŭ dirmaniero... Sed ne gravas :-D
3 years ago.
Pierre Levy
Pierre Levy
Ja nek esprimo, nek dirmaniero estas persono, besto aŭ tuŝebla objekto,
kaj tamen ĝi estas direbla kaj skribebla.
3 years ago.
Helena Tylipska
Helena Tylipska
Mi dirus tiel:
informo: "hieraŭ naskiĝis l'elefanto". - respondo: "ĝuste pri tio ni parolas" (pri la fakto)
informo: "hieraŭ naskiĝis elefanto". - respondo: "ĝuste pri ĝi ni parolas" (pri elefanto)
Vi rompis la tason, mi diros tion al panjo - (...mi diros ĝin al...??)
Konsekvence laŭ mi sonas pli bone: "kiel oni dirus tion esperante"
3 years ago. Edited 3 years ago.
rughulo
rughulo
Tre instruaj kaj ĝustaj ekzemploj.

la koncepto "diri " estas plej ofte buŝa nPIV p. 243 kaj "sinonimo " de vorto " paroli"
3 years ago.
Riŝo
Riŝo
Pri tio oni jam atentigis antaŭ tri jaroj:
www.ipernity.com/group/38154/discuss/22296

Nur la administrantoj Peter kaj Devon povus ŝanĝi la nomon de la grupo.
3 years ago.
Harri Laine
Harri Laine
Certe eblas ambaŭ nomoj, sed, laŭ la Esperantista tradicio, oni devas ĉiam pruvi ke aliaj eraras. Ĉio dependas de tio, kion pensis kaj volis diri la fondintoj.

Por imiti Helenan:

A: "La frazo, kiun mi legis, estis: 'Eilen syntyi norsu'".
B: "Mi ne komprenas. Kiel vi dirus ĝin Esperante?"
A: "Tute simple: 'Hieraŭ naskiĝis elefanto'"

Kompreneble, oni povas diskuti, kiu vortumo estas pli trafa, kion subkomprenigas la diversaj pronomoj, kion komprenigu la titolo, kiom vasta estas la signifaro de "diri", ktp., sed oni ne asertu, ke ni nun havas lingve eraran titolon.
3 years ago.
Riŝo
Riŝo
Jes, la titolo ne estas lingve erara, estas afero de prefero ĉu oni uzas "ĝin" aŭ "tion", vidu PMEG:
bertilow.com/pmeg/gramatiko/pronomoj/tria.html#i-7he

« Iafoje Zamenhof uzis ĝi, kie oni nun preferas tio. Ĝi normale reprezentas aĵon, beston kaj alian klare difinitan aferon. Tio estas uzata por abstrakta rilato, por reprezenti tutan frazon, aŭ por nedifinita afero (= tiu afero):

Mi estis apud ŝi! — Jes, mi ĝin scias = Jes, mi scias, ke vi estis apud ŝi. Oni prefere diru: Jes, mi tion scias. »

Cetere en tiaj mallongaj frazoj aŭ titoloj oni povas eĉ forlasi la pronomon, ekzemple: Kiel oni diras en Esperanto?
3 years ago.
rughulo
rughulo
"ĝi "ankaŭ foje indikas homon- mi citis el verkaro de Lanti .

Mi miris pri la limigiteco de Akademiano Wennergren ( dankon pro la ligo al lia blogo ) - facile estas formi la pluralon el la pronomo "ĝi "
3 years ago.