Group: Lingva helpejo


Vitaminigita Akuzativo... :-)


Raŝi - Audino
By Raŝi - Audino
October 18, 2012 - 22 komentoj - 346 vizitoj

En la frazo:

"Mi bezonas vitaminon C."

Ĉu oni devas meti la akuzativon en la literon "C"? Jeskaze,
1. "Mi bezonas vitaminon Cn."?!,
2. "Mi bezonas vitaminon Con."?!

KIAMANERE ONI ĜIN PRONONCAS?
22 komentoj - La lastaj
Pierre Levy
Pierre Levy
Mi pensas sekvi Doktoron Zamenhof, skribante
"Mi bezonas vitaminon C",
kaj dirante
"Mi bezonas vitaminon co".
4 years ago.
Tjeri
Tjeri
Same kiel: mi respektas D-ron Zamenhof.
4 years ago.
Raŝi - Audino
Raŝi - Audino
Pitagorajn Dankojn! :-)
4 years ago.
Ed Robertson
Ed Robertson
La liternomoj estas nedeklinacieblaj.
4 years ago.
KaGu:-}
KaGu:-}
Kiom da gooj troviĝas en la vorto "gongono". ;-)
4 years ago.
Harri Laine
Harri Laine
La liternomoj certe estas deklinacieblaj, sed ĉi tie oni simple ne bezonas akuzativon ĉe "C".
4 years ago.
Paŭl
Paŭl
Mi plene samopinias kun Harri. Similaj frazoj: Mi vidis la ŝipon Napoleono; mi abonas la revuon Monato...
4 years ago.
Tjeri
Tjeri
Mi emas opinii, ke ili estas deklinacieblaj, sed tiukaze kiaj estas la akuzativoj de A, E, I, O, U ?
Ĉu Aon, ktp, aŭ An, ktp?
4 years ago.
Paŭl has replied to Tjeri
Li pronocas la a-ojn. En matematiko oni ofte uzas la no-an potencon de dek. Hispanoj emas tre artikulacii la ro-ojn komence de vorto... Tiel mi lernis antaŭ amaso da jaroj :-)
4 years ago.
Harri Laine has replied to Paŭl
Mi samopinias kun Paŭl. Jam pro praktikaj kialoj oni konsideru la liternomojn nudaj radikoj. Alie ni havus ekz pluralon kiel ij, ijn (i-oj, i-ojn) kaj parolus pri la na (no-a) potenco, aŭ en serio de matematikaj operacioj ni farus ion unue, due, trie kaj, en la ĝenerala okazo, ne (no-e) .

Ĝuste por flue esprimi sin pri matematiko oni ofte bezonas liternomojn en frazoj, kaj ili nature deklinaciiĝu. Kaj pensu pri instruado de infanoj, ĉu hejme ludante per literkuboj, ĉu en elementa lernejo.
4 years ago.
Ed Robertson
Ed Robertson
Ili do estas nedeklinacieblaj. Per nedeklinaciebla, mi celas, ke ili ne povas akcepti akuzativan finaĵon (nek pluralan). Mi ne celis diri, ke oni ne kapablas pluderivi alian vorton de ili. Se oni volas nepre aldoni akuzativan finaĵon oni derivas substantivon aŭ alian vortospecon, ekz. mi vidas unu co-on en tiu vorto. Oni ne diras *co-n.
4 years ago.
Gecxjo
Gecxjo
Por KIO malfaciligi facilaĵoN? Homa lingvo ja ne estas komputila lingvo kie absoluta logiko ege gravas.
Ja klare kompreneblas -- kion bezonas = vitaminoN, se diri "mi bezonas vitamino" -- ne estas klare kiu kion bezonas /{tutcerte, eblas el viva sperto kojekti, ke nur homo bezonas vitaminojn. iuj, persistas obstinuloj kiuj ne regas -N, ĝuste tiel pravigas sin! ;-) }/
4 years ago.
Pierre Levy
Pierre Levy
Oni ankaŭ povas skribi: "Mi bezonas C-vitaminon"
kaj diri: "Mi bezonas co-vitaminon".
4 years ago.
Paŭl has replied to Pierre Levy
Hmmm. Mi iom hezitas. Ĉu vi estas sinjoro Levy aŭ ĉu vi estas Levy-sinjoro?
4 years ago.
Pierre Levy
Pierre Levy
Paŭl, se vi volas esprimiĝi precize, mi estas nek "sinjoro Levy", nek "Levy-sinjoro".
Mi estas [sinjoro] Lévy. Mi estas unu el la multaj Lévy, kiuj svarmas en Francio..
Inter ni, vi povas nomi min simple Levi aŭ Petro.
Sed ankaŭ amuza estas Levy-sinjoro, ĥimero samtempe franca kaj Esperanta,
sed kiu estas nek franca nek Esperanta en sia unua membro.
("Pierre Levy" nur estas pseŭdo, kiun mi ne vere elektis.)
4 years ago.
Paŭl has replied to Pierre Levy
Nu bone, sed mi parolis pri la ĝenerala regulo. En via plej supra kontribuo vi skribis "Mi pensas sekvi Doktoron Zamenhof". Vi ne povus skribi "Mi pensas sekvi Zamenhof-doktoron." Same laŭ mi ne eblas diri "Mi bezonas C-vitaminojn".
4 years ago.
Pierre Levy
Pierre Levy
Kial ne eblas? Ĉu vi ankaŭ kontestas "X-radioj"?
4 years ago.
Paŭl has replied to Pierre Levy
Bona argumento :-)
4 years ago.
Harri Laine
Harri Laine
Kaj C-vitamino kaj Paŭl-moŝtulo estas tute bonaj vortumoj en Esperanto, kaj kial ne ankaŭ LL-doktoro kaj L-doktoro. Nur la kutimoj estas iom aliaj.
4 years ago.
rughulo
rughulo
En nia lingvo ne ekzistas literoj Y kaj X - ili estas ne kutimaj - kaj fremdaj.

Al unuopaj literoj oni ne aldonas la akuzativon - ankaŭ ne la pluralon .

( Lingvaj respondoj de Z.)
4 years ago.
Harri Laine has replied to rughulo
Rughulo, ĉu vi volas, ke ni eĉ ne havu nomojn por fremdaj literoj?

Ĉu vi bonvolas ankaŭ doni la numeron de la Lingva Respondo kun tia malpermeso pri pluraloj kaj akuzativoj?.
4 years ago.
Tjeri
Tjeri
Fundamenta Krestomatio de la Lingvo Esperanto:

" 2) La koordinatoj x, y de ĉiu marko ŝtona M estas funkcioj ... ktp ..."
4 years ago.