Group: Lingva helpejo


Freegan


Karulo (Karles) *
By Karulo (Karles) *
June 20, 2012 - 11 komentoj - 378 vizitoj

En la dokumentdramo "la spikistoj kaj la spikistino" www.youtube.com/watch?v=JjKmXzAbJ4A oni prezentas ian paralelismon inter tiuj homoj, ĉefe virinoj, kiuj traplukis la tritikkampojn post la rikoltado, prenante la lastajn profiteblajn restaĵojn kaj la nunaj urbanoj kiuj traserĉadas kion ajn manĝeblan forĵetita en stratrubujojn.
En la angla oni ekuzis la vorton "freegans". Kiel oni diru en Esperanto?
11 komentoj - La lastaj
Harri Laine
Harri Laine
Estas tiaj kontraŭkonsumistoj, kontraŭkonsumismanoj, kies specialaĵo estas nutri sin per forĵetitaj (kaj tial senpagaj) manĝaĵoj. Oni povas nomi ilin forĵetmanĝulojsenpagmanĝuloj. – Verŝajne estos neeviteble, ke iuj ekuzos ankaŭ la vorton friganoj, sed ĝi necesigos klarigon.
4 years ago.
Michael Lennartz
Michael Lennartz
Mi ĵus trovis: The word "freegan" is a portmanteau of "free" and "vegan". Freeganism started in the mid 1990s, out of the antiglobalization and environmentalist movements. Groups such as Food Not Bombs served free vegetarian and vegan food that was salvaged from food market trash by dumpster diving. The movement also has elements of Diggers, an anarchist street theater group based in Haight-Ashbury in San Francisco in the 1960s, that gave away rescued food.

de.wikipedia.org/wiki/Freeganismus

en.wikipedia.org/wiki/Freeganism

Ni simple atendu, ĝis tiu movado formortos. Tiam ni ne bezonas vorton por tio.
4 years ago.
Karulo (Karles) * has replied to Michael Lennartz
La movado eble jes, formortos, sed pri la elrubujmanĝantoj mem, mi plutenas dubojn.
4 years ago.
Tjeri
Tjeri
Reutiligistoj, ĉu ne?
4 years ago. Edited 4 years ago.
rughulo
rughulo
ĉifonproleto
4 years ago.
Riŝo
Riŝo
Bonan apetiton dum ĉifonmanĝado!
4 years ago.
Michael Lennartz
Michael Lennartz
"Ĉifonproleto / ĉifonproletaro" estas en la germana lingvo "Lumpenprolet / Lumpenproletariat", kaj tio estas io tute alia: ano de morale malalta, senklera kaj batalema tavolo de laboristaro.
4 years ago.
Ed Robertson
Ed Robertson
rubujetarano?
4 years ago.
Riŝo
Riŝo
Post legado en Vikipedio mi eksciis ke tiuj liberaj vegetaranoj (free = libera; vegan = vegetarano; tamen ne ĉiuj adoptas vegetarismon) laŭ sociologia vidpunkto ne estas speco de „ĉifonproletoj“, sed rekrutiĝas plejparte el maldekstre liberala aŭ radikala medio akademia, apartenas al la meza klaso kaj havas laboron aŭ libervole ne laboras. Ilia agado estas kritiko de la forĵetema kaj malŝparema socio nuntempa.
4 years ago.
Karulo (Karles) * has replied to Peter Bowing
"Laŭleĝe ŝteli" aspektas kiel ambigua frazo, ĉu ŝtelado permesata de la leĝo? :-) mi konas kelkajn kiuj tion faras, sed ili ne estas kutime en la bazo de la socia piramido :-P
4 years ago.
Harri Laine
Harri Laine
La vortelekto ja ege dependas de tio, kiu uzas la vorton. Se ĝin devas aprobi la "friganoj" mem, ili certe volos ian "frigano", kiu signifas nenion en Esperanto, aŭ vorton kun pozitivaj kromsignifoj aŭ aludoj (kiel "free" = libera, en la Angla), ekz. "libermanĝuloj", eble ion eĉ pli noblan.

La "rubujetarano" de Ed estos bonega vorto, se iu volos malŝate artikoli pri la movado.

"Utiligantoj de forĵetitaj (bonaj) nutrovaroj" estus sufiĉe neŭtrala priskribo. Mi plu opinias, ke "senpagmanĝuloj" estas ebla nomo, kiu apenaŭ sugestas al mi ŝteladon.
4 years ago.