Group: Lingva helpejo


MNEMONIKO


Raŝi - Audino
By Raŝi - Audino
April 15, 2012 - 15 komentoj - 451 vizitoj

Tie ĉi en Brazilo estas populara populara proverbo kiu diras:

"LA PLEJ BONAJ MONATOJ POR KULTURTONDI LA ARBOJN ESTAS TIUJ KIUJ NE HAVAS LA LITERON R"

Koincide tiu regulo ankaŭ validas en esperanto, ĉar la monatoj MAJO, JUNIO, JULIO kaj AŬGUSTO estas la solaj (de la jaro) kiuj ne estas R en siaj literoj. Menciindas ke la regulo ne validas al ĉiu parto de la mondo ĉar la vetero estas malsamaj.
Mi legis ke "La kubanoj iras al la plaĝo nur en la monatoj kiuj NE havas la literon "R" ĉare de la temperaturo de la marakvo."
Mi demandas:
1. Ĉu en esperantio ekzistas universala mnemonika regulo pri monatoj, tia kia la menciita, vaste uzata de la esperantistoj?
2. Kaj pri alia afero, ĉu la mnemoniko estas uzata?
15 komentoj - La lastaj
Raŝi - Audino
Raŝi - Audino
Ankaŭ tiu R-regulo estas uzata en la konsilo pri la manĝado de kelkaj fiŝaĵoj rilate al la abundeco, prezo kaj gusto.
4 years ago.
Tjeri
Tjeri
Simile, aŭ male, en Francio oni diras, ke ostrojn oni devas manĝi dum R-monatoj...
4 years ago. Edited 4 years ago.
Raŝi - Audino has replied to Tjeri
Nur nun mi rimarkis ke la jaroj en la franca ankaŭ havas la saman Rn en la korespondaj monatoj ĉu en la portugala, ĉu en la hispana... :-)
4 years ago.
Riŝo
Riŝo
En Eŭropo la stucado de arboj okazas inter la perdo de la folioj en aŭtuno kaj antaŭ la kresko de la burĝonoj en printempo. Estas ĉiuj monatoj kun ro, do la regulo estas inversa al tiu en via mondoparto, Raŝi.
4 years ago.
Raŝi - Audino has replied to Riŝo
"stucado".... unu plia vorto al mia vortprovizo! Dankon Riŝo!!
4 years ago.
Paŭl
Paŭl
Ankaŭ ĉe ni en Flandrio la R-regulo estas konata. Ĝi indikas la monatojn, en kiuj oni ne manĝu mitulojn. Tamen praktike jam en aŭgusto la restoracioj komencas proponi mitulojn al siaj gastoj, malgraŭ la manko de r en la monato.
4 years ago.
Raŝi - Audino has replied to Paŭl
Dankon Paŭl! Ĉu vi povas montri al mi la monatojn en via denaska lingvo?
4 years ago.
Paŭl has replied to Raŝi - Audino
januari, februari, maart, april
mei, juni, juli, augustus
september, oktober, november, december
4 years ago.
Raŝi - Audino has replied to Paŭl
Dankegon! Nun la klarigo pri la manĝado de mituloj estas kompleta!
4 years ago.
rughulo
rughulo
La mnemotiko en Esperanto fontas el sia literaturo , ĉar kutime esperantistoj ne scias paroli. ( Fonto : enkonduko el PIV )
La mnemotiko estas tekniko de memoro , ĝi estas tekniko ĉiutaga .
Tondado de arboj estas tute ne kutima afero , kaj mi ege miras, ke en brazilo ĝi estas populara . Tial mi supozas, ke vi nur blagas.
4 years ago.
Raŝi - Audino has replied to rughulo
Oni povas respondi pri diversaj supozoj, sed ne ekzistas respondo al iu kiu ne volas kompreni...
4 years ago.
Harri Laine
Harri Laine
La Finnaj monatnomoj estas tute malsimilaj al la Esperantaj. En nur unu el ili estas la litero r, kaj mi scias pri neniu regulo kiu rilatus al literoj en niaj monatnomoj.
4 years ago.
Raŝi - Audino has replied to Harri Laine
Ĉu vi povas ilin priskribi, Harri?
4 years ago.
Harri Laine has replied to Raŝi - Audino
La Finnaj monatoj estas: tammikuu, helmikuu, maaliskuu, huhtikuu, toukokuu, kesäkuu, heinäkuu, elokuu, syyskuu, lokakuu, marraskuu, joulukuu. – La fina parto kuu signifas ‘luno, monato’. La vortopartoj antaŭ kuu signifas laŭvice: ‘kverko (aŭ aksingo?), perlo, tero?, arboj hakataj por brulkulturo?, semado, somero, fojno, rikolto, aŭtuno, koto, morto?, julo (nuntempe = kristnaskfesto)’.

La nomoj estas pramalnovaj. Ili naskiĝis antaŭ la skriba lingvo, kaj kelkaj devenoj ne plu estas plene klaraj. Mi metis demandsignon ĉe la signifoj, kiujn nuntempulo jam ne bone komprenas, sed kiujn oni povas konjekti.
4 years ago. Edited 4 years ago.
Raŝi - Audino has replied to Harri Laine
Interesega! Dankon Harri!!
4 years ago.