Group: Lingva helpejo


Kun tio aŭ sen tio...


Raŝi - Audino
By Raŝi - Audino
March 25, 2012 - 6 komentoj - 329 vizitoj

Mi ricevis la suban frazon (en la portugala) de mia amikino kaj mi volis ĝin traduki.

"Tio kio gravas ne estas venki ĉiutage, sed batali ĉiam"

Kiamaniere mi povus esti skribinta ĉi tiun frazon laŭ PLI ELEGANTA maniero kaj bonstila?

Ĉu mi povas komenci la frazon sen "tio kio"?
6 komentoj - La lastaj
Raŝi - Audino
Raŝi - Audino
Mi forgesis:
Ĉu mi devus esti skribinta la vorton "ĉiam" antaŭ batali?
4 years ago.
Paŭl
Paŭl
Vi efektive povas diri "Kio gravas" anstataŭ "Tio, kio gravas".
Eĉ pli elegante laŭ mi estus: "Ne gravas ĉiutage venki, sed ĉiam batali."
4 years ago.
Raŝi - Audino has replied to Paŭl
Ĉu en esperanto ne estas iom malsimila diri "kio gravas ne estas ĉiutage..." kaj "ne gravas ĉiutage..."? En la portugala la unua formo neas la gravecon venki, en la dua, la neado atingas nur la ĉiuntagecon sen mismeriti ĝin.
4 years ago.
Paŭl has replied to Raŝi - Audino
Ankaŭ en Esperanto. "Ne" neas la vorton kiu sekvas ... ĉio dependas de tio, kion vi volas esprimi ....
4 years ago.
Riŝo
Riŝo
En chi tiu kazo "tio" forlaseblas ĉar la frazo ne estas dubsenca:
bertilow.com/pmeg/gramatiko/subfrazoj/rilataj/ti-forlaso.html

La pozicio de "ĉiam" estas afero de stilo kaj ritmo, ambaŭ eblas, antaŭ aŭ post la verbo batali.
4 years ago.
Raŝi - Audino has replied to Riŝo
La frazo sen "tio" estas pli agrabla por mi. Dankon!
Mi ŝategis la liberecon kiu valorigas la "aferon de stilo kaj ritmo"!! :-)
4 years ago.