Group: Lingva helpejo


Demandoj - Rilataj - Ekkriaj / vortoj


Raŝi - Audino
By Raŝi - Audino
March 24, 2012 - 2 komentoj - 225 vizitoj

"KI-vortoj
La tabelvortoj je KI estas uzataj en tri manieroj:
kiel demandovortoj
kiel rilataj vortoj
kiel ekkriaj vortoj" PMEG - Tabelvortoj...

"Ekkriaj frazoj: Ekkria frazo montras fortan senton pri io ekstrema. Ekkria frazo enhavas unu el la vortetoj kia, kiel aŭ kiom. La KI-vorto en ekkria frazo tute ne montras demandon. La KI-vorto normale staras komence de la frazo, ofte tamen post alia ekkria vorto:
*Kia ĝoja festo!FE.10 = Vere estas bonega ĝoja festo!
*Kia demando! kompreneble, ke mi lin amas.FE.41 Kia montras surprizon pro stranga demando.
*Ha, kiel bele!FE.26
*Fi, kiel abomene!FE.26
*Kia granda brulo! kio brulas?FE.31 Kia montras fortan senton pri la grandeco de la bruo. *Kio tamen estas pure demanda. Estas do du frazoj, unu ekkria, kaj unu demanda.
*Kiom multe vi scias! [...] kiel vi povoscias rakonti!FA1.150 Kiom kaj kiel esprimas miron pri la scioj kaj rakontokapabloj de rakontanto.
*Ho, kia okazaĵo! Kia esprimas miron pri la ekstremeco de la okazaĵo. Ĉu la okazaĵo estis ekstreme plaĉa aŭ ekstreme malplaĉa, dependas de la situacio.

Iafoje kio povas montri kaj demandon kaj surprizon. Tiaj frazoj estas do duone demandaj, duone ekkriaj:
**Ho Dio, kion vi faras!FE.26 Kio esprimas miron pri io stranga, sed estas samtempe ankaŭ demanda."

Mi legis en fejsbuko la jenan frazon:
"Kiel mi estis maldika kiam estis 18 jaraĝa!" (Apude, staras foto de la skribinto).
Demandoj:
1. Ĉu la uzado de "kiel" ĉikaze estas taŭga? (En la unua legado mi estis atendanta demando),

2. Ĉu estas alia "pli natura" maniero komenti sian foton?
Comments
Michael Lennartz
Michael Lennartz
Por ne respondi vian demandon: tabelvortoj gramatike ne ekzistas. Tiu tabelo estas lernhelpilo (se iu volas enparkerigi tabelojn), sed ĝi ne havas gramatikan funkcion.

Vortoj, kiuj logike apartenas unu al la alia, staru en frazo same unu apud la alia:

Pri 1: --> Kiel maldika estis mi, kiam mi estis 18jara (aŭ: estante 18jara). Aŭ: Havante aĝon de 18 jaroj, mi estis tre maldika. Aŭ: Ho, kiel maldika estis mi, havante 18 jarojn! Aŭ: Mi estis tiel maldika, kiam mi havis 18 jarojn!

Tiu "Kiel mi estis maldika" ŝajnas kopio de la germana "Oh, wie war ich dick". La ŝanĝo de la kutima sinsekvo de vortoj (kiel maldika estis mi) al neordinara (kiel mi estis maldika) en la germana lingvo indikas plifortigon de la konstato. En Esperanto tio ne estas rekomendinda, ĉar "kiel maldika" estas logika unuaĵo, kiun oni ne disŝiru sen deviga kaŭzo.

Pri 2: Oni ne metu sian foton en Facebook-on. ;-) --> Jen mi en aĝo de 18 jaroj. (Kiun interesas, ĉu vi estis dika aŭ maldika? Ĉu oni difinas sin per dikeco/maldikeco?)
4 years ago. Edited 4 years ago.
Raŝi - Audino
Raŝi - Audino
Dankon Michel!
Pri via respondo en 1: vi bonege sugestis solvojn pli elegantaj kaj pli naturaj por mi. Oni rapide rimarkas ke ne estas estas demando. Mi ne estis rimarkinta ke la simpla ŝanĝo de la ordo de la vortoj multe plibonigus la frazon: "KIEL MALDIKA MI ESTIS..."!!
Pri 2: Mi ŝatis vian pozicion pri "onia difineco"! Tie oni legas tiom da "personajn manifestojn" ke vi taksus ĉi tian frazon modera!
Dankegon mia kara!
4 years ago.