Group: Lingva helpejo


Polemiko


Pierre Levy
By Pierre Levy
March  8, 2012 - 6 komentoj - 385 vizitoj

Polemiko, polemiki

PIV 2005 donas jenajn difinojn:

Polemiko: Skriba publika diskutado;

Polemiki: Skribe publike diskuti.

Tiuj difinoj, preskaŭ senŝanĝe reprenitaj el PV (1934),
ŝajnas etimologie kaj aktuale reduktaj, kriplaj kaj do eĉ falsaj.

La vorto "polemiko" devenas de la greka "polemos", kies
senco estas "batalo per fizikaj armiloj, milito". Tute ne temas
pri diskuto, skriba aux ne, publika aux ne.

En diversaj lingvoj mi trovis jenajn difinojn:

En la angla:

"The American Everyday Dictionary" (1949):
"Polemic ... a controversial argument"
(disputa debato)

"Oxford English Minidictionary" (1997):
"polemic n. a verbal attack on a belief or opinion."
(vortatako pri kredo aŭ opinio)

En la franca:

"Littré" (1964, el 1878):
"Polémique. Dispute par écrit"
(skriba disputo)

"Le Robert Brio" (2004):
"Polémique. Débat écrit ou oral, vif ou agressif"
(Vigla aŭ ataka, skriba aŭ parola debato)

"Le Petit Larousse Illustré" (2010):
"Polémique. Vive controverse publique, menée le plus
souvent par écrit."
(Vigla daŭra publika diskuto, plej ofte skriba)

En la germana:

"Wahrig Deutsches Wörterbuch"(1968):
"Polemik. wissenschaftl., meist publizist. ausgetragener
Streit" (scienca, plej ofte de ĵurnalistoj kondukita disputo)
(? mi ne estas certa pri la ĝusteco de mia traduko)

"Der Sprach-Brockhaus"(1970):
"die Polemik. wissenschaftlicher Streit, gelehrte Fehde"
(scienca disputo, klerula batalo)

En la sveda:

"Illustrerad svensk ordbok"(1970):
"Polemik. meningstrid rörande fråga av mer eller mindre
allmãnt intresse, (litterär eller vetenskaplig) tvist, pennfejd,
kontrovers"
(disputo pri demando de pli malpli ĝenerala intereso,
malkonsento, plumbatalo, daŭra debato)

"Bonniers svenska ordbok" (2006)
"Polemik. skarpt, öppet meningsutbyte (i politiska,
vetenskapliga eller konstnärliga frågor)" (akra, publika
disputo en politikaj, sciencaj aŭ artaj demandoj)

(Rimarko por kritikantoj de la 10-a regulo de la Fundamenta
Gramatiko: la akcento de tiu vorto en la germana kaj en la
angla estas sur la meza silabo; en la franca kaj la sveda gxi
estas sur la lasta silabo.)

The topic of this discussion has been edited by Pierre Levy 4 years ago.

6 komentoj - La lastaj
Riŝo
Riŝo
La akcento en la germana estas sur la meza silabo: Po'le:mik. En la novaj vortaroj "Polemik" akiris duan signifon pli ĝeneralan: "ne tute afereca atako per vortoj, akra kritiko":

de.wiktionary.org/wiki/Polemik
4 years ago.
Pierre Levy
Pierre Levy
Dankon, Riŝo, trankviliĝu: la eraro ne estis en Wahrig, nek en Brockhaus, sed nur
en mia mislego . :-)
Mi korektis mian eraron, kiu konsistis en (falsa!) aserto, ke en la germana la
akcento de "Polemik" estas sur la unua silabo. Mi ne sufiĉe atentis, ke en
koncernaj vortaroj la akcento ne estas en ĉiuj same markita per signo jen
antaŭ, jen post, jen sub la akcentita silabo, jen alimaniere. Tio ne pravigas
mian eraron. Feliĉe, mi kontraŭas la mortpunon.
4 years ago. Edited 4 years ago.
Riŝo
Riŝo
Negrava detaleto, mi ne intencis polemiki... sed kiun difinon de "polemiko" vi proponas por la reta eldono de PIV?
4 years ago.
Pierre Levy has replied to Riŝo
Problemo estas, ke se ni ne intencas polemiki kaj tamen deziras
konformiĝi al nia teda vortlisto PV-PIV (1934-2005), ni devas
rezigni ĉian aktivan partoprenon, ne nur en Ipernity, sed ankaŭ
en ĉia alia pli malpli publika diskutgrupo, ĉar polemiki ĝuste
estas "skribe publike diskuti", kaj mi ne trovas ĉirkaŭvojon.
La difino estas klara kaj sen ebleco de harfenda interpreto. :-(

Por respondi al vi, kara Riŝo, mi do tamen devas fari paŝon
polemikan kaj provizore proponi al ... polemiko sekvantan
difinon: "sistema vorta atako aŭ batalo". Ek al polemiko!
4 years ago.
Michael Lennartz
Michael Lennartz
Dankon pro la klarigoj. Mi lernis multon.
4 years ago.
rughulo
rughulo
La redaktoro de tejo - revuo KONTAKTO ,
titolis mian artikolon pri "ne al atomenergio " - Polemiko.
Ĉiu vorto estas facile nomebla "polemiko " Por mortigi hundon oni nomas ĝin "rabia" ( aŭ polemika )
4 years ago.