Group: Lingva helpejo


Gravas = Importas?


Raŝi - Audino
By Raŝi - Audino
February 21, 2012 - 4 komentoj - 383 vizitoj

Mi legis, en iu diskuto pri planlingvoj, la komenton:
"...se ni komparas la parolantaro de aliaj planligvoj al la parolantaro de esperanto, oni povas certigxi ke la esperantistoj estas ege pli multnombraj. Ecx se ne nur la nombro importas, ni ne tute povas diri ke gxi tute ne importas...."
Kiam mi ĝin legis mi tuj pensis ke la komentinto estis brazilano ĉar tiu radiko estas uzata en tia kazo, sed ŝli estis el Francio. Mi ŝercis en la vortaro pli profundan klarigon pri ĝi sed mi ne trovis ion kiu povus subteni la sinonimecon.
Ĉu la supra egaleco estas taŭga?

The topic of this discussion has been edited by Raŝi - Audino 4 years ago.

Comments
Paŭl
Paŭl
Jen kelkaj ekzemploj de la uzo de "importi", Raŝi:

- Japanio importu pli da malmultekosta usona viando
- la komputilaj programoj kapablas importi kaj eksporti dosierojn
- iuj aŭtoroj vidas en ili sankcion por importi en Esperanton malregulaĵojn de etnolingvoj
- dum la unua duono de la jaro 2002 Pollando importis je tri miliardoj da eŭroj pli

Nenio ŝajnas rilati al la verbo "gravi", ĉu? En la franca oni diras Cela n'importe pas kaj en Esperanto "Tio ne gravas".
4 years ago.
Harri Laine
Harri Laine
Estas simpla eraro de komencanto, verŝajne ne okaza misvorto de spertulo ĉar eĉ mankas -n ĉe la unua "parolantaro". Ankaŭ la franca important = grava. – La ĝusta signifo de "importas" ja estas "venigas el eksterlando".
4 years ago.
Raŝi - Audino
Raŝi - Audino
Paŭl kaj Harri, ĉar la normala tempo por ekdormi ĉe mia lando jam pasiĝis iomete, mi imagis ke mi ricecus klarigon nur post bona dormado. Viaj rapidaj reagoj ege surprizigis min! Feliĉe!! :-)
Mi dankegas viajn klarigojn pri la "graveco" de la vorto "importi"! :-)
4 years ago.
rughulo
rughulo
Bedaŭrinde svarmas la falsaj amikoj en nia lingvo -
la "importo" estas unu el la plej ŝatataj - krom la impoŝto .

:-( !
4 years ago.