Group: Lingva helpejo


Sur hoko? De hoko?


Dorota
By Dorota
January 27, 2012 - 7 komentoj - 367 vizitoj

Kiel diri pri io kio pendas "sur hoko", ĉu "de hoko"?
7 komentoj - La lastaj
Paŭl
Paŭl
Ambaŭ formoj estas uzataj. Mi havas la impreson, ke la formo "pendi sur" estas pli klasika, pli malnova. Zamenhof uzis "foliojn, kiuj pendis sur la arboj" kaj "La statueto pendis sur ŝnuro" ... Sed ĉe modernaj aŭtoroj oni trovas pli ofte la "de"-formon. Ekzemple Anna Löwenstein en sia La ŝtona urbo: "ŝalo kiu pendis de mia ŝultro" kaj "bierfelo, kiu pendis de la trabo".
4 years ago.
Tjeri
Tjeri
Nu, harfendemulo dirus, ke tio, kio estas metita sur hoko (farbo?) ne pendas de ĝi....
4 years ago.
Michael Lennartz
Michael Lennartz
Ĉu "modernaj aŭtoroj" aŭtomate signifas "pli bonaj", pli pravaj, lingve pli modelaj aŭtoroj"?

Jes, mi estas harfendemulo, ĉar la germana lingvo permesas similan diferencigon. "Klasike" io pendas sur la muro, hoko, ..., "pendi de" enhavas la ideon de longa objekto, kiu per unu ekstremo pendas sur io, la alia ekstremo falas malsupren.

Krom tio E-to donas la eblecon de du sinsekvaj prepozicioj, do ĉi-kaze "de sur" (preni ion de sur io).

Muso de povas sidi "de muro", sed "sur muro", mi kredas.
4 years ago.
Harri Laine
Harri Laine
Estas tute vane serĉi iun "plej bonan" esprimon, dum pluraj eblas kaj estas same bonaj. Alia harfendemulo respondus al la harfendemulo de Tjeri, ke hokon, sur kiu pendas farbo, certe ne farbis sperta kaj kompetenta farbisto.

En la Tekstaro troviĝas abunde kaj "pendi sur" kaj "pendi de", kaj mi vidas nenian modernecon-malmodernecon en iu el la du. Nuancan signifodiferencon eblas vidi: "pendi sur io" montras lokon de la pendanto, dum "pendi de io" insistas pri la punkto de fiksiĝo. Sed tio ne estas gravega afero, oni povas sufiĉe libere elekti. Se oni tre konscias pri sia vortelekto, eblas ja cerbumi por trovi la plej trafan. Ankaŭ "ĉe" kaj "je" (tiun lastan mi ŝatas) estas uzataj kaj povas aldoni siaspecan spicon.

Inter la prepozicioj post "pendi" en la Tekstaro estas ankaŭ "sub", "ĝis", "al" kaj "kun". Sed tiuj havas sian specialan sencon kaj ne povas esti uzataj same ĝenerale, kiel "de" aŭ "sur" (fakte "sub" iam proksimas al la signifo de "de"), – Mi trovis en la Tekstaro ankaŭ unu eblan literuman eraron, kie "pendi al" verŝajne devus esti "perdi al".

Do, libere elektu, ĉu diri "pendi de", "pendi sur", "pendi je", se vi ne estas harfende konscia pri nuancoj en via stilo. La ĉefa afero ja estas, ke io pendas, ne tiom gravas je kiu prepozicio vi pendigas ĝin.
4 years ago.
rughulo
rughulo
Pozicio nur estas mezurebla per metro - sed ĝi ne estas prepozicio .Lingvo ne estas scienco pri pozicioj , ankaŭ ne de prepozicioj.

Dek boteloj pendas de la mur`
Sed la soifo ne dependas de la muro, sed de plena botelo
4 years ago.
Harri Laine
Harri Laine
Ĉio dependas de “se” kaj “kiam”, ankaŭ la uzo de prepozicioj (alinome rolvortetoj). Tamen eĉ sen tiuj vi povas esprimi multon, kaj krudan kaj subtilan:

Tajloro krimis, botisto pendas.
Por pendigi ŝteliston, antaŭe lin kaptu.
En dom’ de pendigito pri ŝnuro ne parolu.
Pendonto ne dronos.
Longe ŝtelas ŝtelisto, tamen fine li pendos.
4 years ago.
Dorota
Dorota
Mi persone opinias, ke ambaŭ prepozicioj povas esti uzataj, ĉio dependas de la kunteksto. Mi tamen volis scii opinion de aliaj, ĉar mia angla amikino persistis pri "de" kaj nur "de".
4 years ago.