Group: Lingva helpejo


Poŝtelefonaj PROFILOJ


Raŝi - Audino
By Raŝi - Audino
December  3, 2011 - 12 komentoj - 455 vizitoj

Se ni povus esperantigi ĉiajn poŝtelefonajn profilojn, kiuj estus la plej adekvataj vortoj por anstataŭi la antaŭprogramitajn profilojn:

***I - NORMALA (?),

***II - SILENTA (?),

***III - KUNVENA (?),

***IV - EKSTERA (?),

V - PAGER (???????),

VI - OFF-LINE (?????).

Kiu estus la pli konvena finaĵo: o, a aŭ e?

(***) Ĉar mia poŝtelefono uzas la portugalan lingvon, mi provis traduki la koncernajn profilojn. La "V" kaj la "VI" estas skribataj rekte en krokodila lingvo.

The topic of this discussion has been edited by Raŝi - Audino 5 years ago.

12 komentoj - La lastaj
Michael Lennartz
Michael Lennartz
V - (poŝ-) mesaĝilo
VI - nekonektita

I - "normala" taŭgas, alternativo: apriora (=default)
5 years ago.
Raŝi - Audino has replied to Michael Lennartz
Dankon pro la rapida respondo Michael!
Ĉu la finaĵo "o" estas nur kontentiga al la opcio V? Ĉu en la resto plibonas "a"? (laŭ vi opinio)
5 years ago.
Michael Lennartz
Michael Lennartz
Tio estas via decido. ;-)

Mi pensas, ke "pager" estas substantivo en la angla kaj tial uzis substantivan tradukon.
5 years ago.
Raŝi - Audino has replied to Michael Lennartz
Dankon!
5 years ago.
Raŝi - Audino
Raŝi - Audino
La kerno de la demando estas la jeno:
Se vi aĉetus poŝtelefonon kiu enhavus esperanton kiel laborlingvon, kiuj nomoj estus la pli naturaj en la profiloj?
5 years ago.
Harri Laine
Harri Laine
Mi opinias, ke estas nenia bezono gramatike samformigi la nomojn de la alternativoj. Povas tute bone esti a-, o-, aŭ e-vortoj. Ne temas pri frazoj kaj gramatikaj roloj kaj la uzanto komprenos. Mi komparis kvin lingvojn en mia telefono, kaj ekz, en la germana mi trovis ĉiujn 3 vortklasojn: Lautlos, Besprechung, Draußen.

Viaj proponoj estas bonaj, vi povas uzi tiujn. Mi eble dirus: normala, sensona, kunsido, ekstere, (pager), senkonekta. Por "normala", iuj lingvoj havas (en mia telefono) vorton, kiu signifas "ĝenerala", aliaj diras "normala". Profilon "pager" mi ne havas, kaj mi ne komprenas kion tia eksmoda funkcio signifu en moderna telefono kaj ne povas ion proponi. Se vi nepre volas havi nur unu vortklason, mi eble proponus e-vortojn por ĉiu profilo.
5 years ago.
Raŝi - Audino has replied to Harri Laine
"Mi opinias, ke estas nenia bezono gramatike samformigi la nomojn de la alternativoj." Ni samopinias pri tio...
Mi, scivoleme, esploris la konsiston de tia "PAGER" (mesaĝilo) kaj mi rimarkis ke ĝi multe ŝajnas la SILENTA profilo, tute silenta, sen video, sensona, nur kun vibracio! Mi neniam ĝin uzis.
Mi esperantigis preskaŭ ĉiujn profilojn, nur la "NORMAL" (NORMALA) kaj "OFF-LINE" (NEKONEKTITA), mi ne scias kial, estas nealinomigitaj.
Dankegon Harri!! :-)
5 years ago.
Pierre Levy
Pierre Levy
Pardonu mian naivecon: kvankam mi havas smartfonon kaj ofte uzas ĝiajn
telefonajn funkciojn, mi tute ne scias, kio estas "profilo" nek komprenas la
utilecon de la koncernaj frazeroj. Tiu mia nekompreno havas nenian rilaton
kun gramatiko.
5 years ago.
Raŝi - Audino
Raŝi - Audino
Tiaj profiloj celas specifan uzadon kiel ekzemple: mi estas instruisto kaj kutimas (elipso :-) uzi la SILENTAN profilon kiam mi matematikumas al miaj gelernantoj. Ĉar estas malpermesita la uzado de poŝtelofono dum la laboro, mi metas mian poŝtelefonon en la stato ANTAŬE PROGRAMITA. Ĝi ebligas ke, kiam finiĝas la tempo de mia lecionhoro, la telefono aŭtomate revenas al la NORMALA stato sen bezoni de mia pigra memoro. :-)
5 years ago.
Harri Laine
Harri Laine
Povas esti, ke vorto simila al "profilo" estas uzata de nur unu fabrikanto (mian faris Nokia). Ne malofte okazas tiel, ke grandaj firmaoj uzas malsamajn vortojn por similaj aferoj, ekzemple en komputiloj kaj ties programoj. Mi ĉiam havis nur Nokian telefonon (mi ja estas finno!), do ne scias pri aliaj. Tute bone eblas, ke aliaj telefonoj nomas tian funkcion alie aŭ tute ne havas ion similan. "Stato" aŭ "funkcimaniero" povus esti kompreneblaj nomoj, iu eble preferus diri "reĝimo" ("Mi ŝaltas la sensonan staton/reĝimon/funkciadon de mia telefono, kiam mi estas en teatro").
5 years ago.
Raŝi - Audino has replied to Harri Laine
Koincide mi ankaŭ nur uzas Nokia ĉar ĝi estas la sola, ĝis la punkto kiun mi scias, kiu oferas la PROGRAMEBLA PROFILO jam menciita de mi en la lasta komento.
Mi profitas la momento por demandi al vi: Nokia, antaŭ multajn jarojn, aĉetis la brazilan telefona kompanio GRADIENTE kiu jam uzadis tian programitan staton. Ĉu NOKIA absorbis tian funkciadon de la aĉetita entrepreno aŭ ĝi jam havis tiun sistemon?
5 years ago.
Harri Laine has replied to Raŝi - Audino
Mi ne memoras nek scias, ĉu Nokia origine uzis tian funkcion aŭ ĉu eble aĉetis patenton. Nuntempe diversaj patentoj estas gravega havaĵo de grandaj telekomunikaj firmaoj, tiel ke kompanioj estas aĉetataj kaj vendataj ofte nur pro ties valoraj patentoj kaj alia teknika kompetenteco. – La afero estas tamen tiom simpla, ke mi dubas, ĉu eblas akiri patenton por ĝi. Povas okazi ankaŭ simpla kopiado de ies ideo.
4 years ago.