Group: Lingva helpejo


veka


GiTa
By GiTa
October  2, 2011 - 8 komentoj - 765 vizitoj

En unu frazo esperantistino skribis: "mi estis veka", t.e. ŝi ne dormis. Mi opinias, ke oni devas uzi la vortojn maldorma au vekiĝinta. Bonvolu donu ekzemplon, kie la vorto veka estas ĝusta.
8 komentoj - La lastaj
Tjeri
Tjeri
La veka horo alvenis, mia vekhorloĝo sonoras, kaj mi vekiĝas, mi do estas vekiĝinta.
5 years ago.
Pierre Levy
Pierre Levy
La vekhorloĝo vekis vin, donante la vekan signalon.
Ĝi ne bezonus veki vin, se vi estus jam vekita kaj ne dormanta.
Iuj havas vekajn problemojn kaj malfacile vekiĝas.
Jam vekiĝinta, li ne bezonus esti vekita.
Tuj post la veka momento, mi kutime forgesas ĉiujn miajn sonĝojn.
5 years ago.
Michael Lennartz
Michael Lennartz
PIV tekstas:

veki ion/ iun - radiko, kiu estas transitiva verbo
veko - ago de iu vekanta (do: fari iun maldorma)
veka - rilata al veko (la veka trumpado)

--> vek estas radiko montranta aktivecon, ne staton.

Do GiTa pravas. Male al la germana lingvo (Ich bin wach. = erare: Mi estas veka.) ni diru: Mi estas maldorma aŭ vekiĝinta.

Kelkfoje mia filino estas vekiĝanta, sidante ĉe la matenmanĝa tablo (ĉu vi kaptis la diferencon inter "vekiĝinta/vekinĝanta"?).
5 years ago.
GiTa has replied to Michael Lennartz
Koran dankon, Tjeri, Pierre kaj Michael, pro viaj komentoj!
5 years ago.
Ed Robertson
Ed Robertson
Ekzemplo kie "veka" estas uzata korekte:

Mi estis veka.

Mi iĝis tia aŭ pro memvola vekiĝo, t.e. mi vekis min, aŭ ĉar iu aŭ io vekis min. Neceso kaj sufiĉo.

Denove: ne inventu erarojn. La celo de Esperanto estas komuniki, ne harfendi.

Cetere, mi aŭdis ĝin OFTE de tute kompetentaj Esperanto-parolantoj, do ĝi estas Esperanto, kaj do akceptebla. Esperanto estas vivanta lingvo; ĝi ne estas horloĝmekanisma kodo.
5 years ago.
GiTa has replied to Ed Robertson
Via respondo, laŭ mi, estas iom stranga. Mi tute ne inventis eraron. Ĉar mi cerbumis pri la vorto "veka", mi faris demandon al ĉi tiu grupo, kies nomo montras, ke oni povas diskuti tiajn aferojn. Kontraŭe al vi, Ed, mi neniam legis (aŭdis) la vorton "veka" kun la signifo "maldorma".
Analoge al "Li vekas ŝin. Ŝi estas veka" mi faris la frazojn: Li amas ŝin. Ŝi estas ama. Li instruas ŝin. Ŝi estas instrua. Li helpas ŝin. Ŝi estas helpa. Ĉu vi opinias, ke tiuj esprimoj estas ĝustaj?
5 years ago.
Riŝo
Riŝo
Vidu ankaŭ "Falsa kritiko":

bertilow.com/pmeg/vortfarado/principoj/finajhoj/a.html#i-srf

Ne estas unuanimeco pri agaj aŭ ecaj adjektivoj.
5 years ago.
GiTa has replied to Riŝo
Koran dankon, Riŝo! Tian respondon mi bezonas!
5 years ago.