Hieraŭ ni festis la aperon de la glora verda standardo sur multaj paĝoj de KIS (t.e. la Konata Interreta Serĉilo, dorlote nomata ankaŭ Guglo). Hodiaŭ disvastiĝas en fakaj rondoj misfamigaj novaĵoj pri la t.n. Guglo-Dudloj. Vi trovos tiajn novaĵojn (ankoraŭ, laŭ mia scio, ne en Esperanto), skribante en la KIS-serĉilon la du vortojn “Zamenhof” kaj “Michmerhuizen”. – Certe ankaŭ ĉi tiu postebria novaĵo plimultigas informpetojn pri Esperanto, kion jam raportis pluraj organizaĵoj post la hieraŭa Guglaĵo.